ကြိုတင်ကာကွယ် မြွေအန္တရာယ်
မြန်မာနိုင်ငံဟာ တောတောင်ရေမြေ ပေါများတဲ့အားလျော်စွာ ဒီတောတောင်ကို အမှီသဟဲပြုပြီး ကိန်းအောင်းနေတတ်တဲ့ တောတွင်းတိရစ္ဆာန်တွေလည်း ပေါလှပါတယ်။ ဒီထဲမှာမှ လူ့အသက်ကို ဒုက္ခပေးနိုင်တဲ့ မြွေအန္တရာယ်ဟာလည်း ထည့်သွင်းစဉ်းစားရမယ့် အန္တရာယ်တစ်ခုပါ။
ကျေးလက်ဒေသမှာသာမက မြို့ပြပေါ်မှာပါ မြွေအန္တရာယ်ကို လူတိုင်း ကြုံတွေ့ရနိုင်ပါတယ်။ မြန်မာ နိုင်ငံမှာ ပျမ်းမျှအားဖြင့် တစ်နှစ်ကို အကြိမ်တစ်သောင်းထက် မနည်း မြွေအန္တရာယ် ကြုံတွေ့နေရပြီး လူ (၁,၀၀၀) ထက်မနည်း မြွေကိုက်ခံရခြင်းကြောင့် သေဆုံးနေကြရပါတယ်။
ဒီအာမခံဟာ ကျေးလက်မြို့ပြမကျန် မြွေအန္တရာယ် ကြုံတွေ့ နိုင်သူတိုင်း မဖြစ်မနေ ထားသင့်တဲ့ အာမခံတစ်ခုပါ။ မြွေအန္တရာယ်ကြောင့် အသက်ရှုံးဆုံးခြင်း၊ ဆေးရုံဆေးခန်း တက်ရခြင်းနဲ့ ဆေးကုသမှု ကုန်ကျစရိတ်များအတွက် ငွေကြေးအရ အကာ အကွယ် ပေးနိုင်တဲ့ အာမခံ အမျိုးအစား ဖြစ်ပါတယ်။
အဓိက အကျိုးခံစားခွင့်များ
မြွေအန္တရာယ်ကြောင့် အသက်ဆုံးရှုံးခြင်းအတွက် အာမခံ အကျိုးခံစားခွင့် အပြည့်အဝ ရရှိနိုင်ခြင်း။
မျက်စိကွယ်ခြင်း သို့မဟုတ် ထာဝစဉ် မသန်စွမ်း ဖြစ်ခြင်းများအတွက် အကျိုးခံစားခွင့် ရရှိနိုင်ခြင်း။
ကိုယ်အင်္ဂါ အစိတ်အပိုင်းများ ဖြတ်တောက်ရခြင်းအတွက် အာမခံအကျိုးခံစားခွင့် ရရှိနိုင်ခြင်း။
သယ်ယူပို့ဆောင်ရေးစရိတ်နှင့် ဆေးရုံတက်စရိတ်များအတွက် အကျိုးခံစားခွင့် ရရှိနိုင်ခြင်း။
